Heno dwi wedi bod yn edrych ar fwy o 'hen' ffotograffau ac yn eu digido. Dwi ddim wedi mynd yn ôl yn rhyw bell iawn, dim ond i 2002 ac i'r haf. Yn Eisteddfod Tyddewi yr haf hwnnw fe gafodd Côr Llefaru'r Cŵps fuddugoliaeth nodedig. Roedden ni'n llefaru darn allan o'r Mabinogi fel y'i diweddarwyd gan Dafydd a Rhiannon Ifans - y darn o'r ail gainc lle mae'r rhai sydd wedi goroesi'r rhyfel yn Iwerddon yn mynd i wledda a mwynhau yng Ngwales gyda phen Brân yn gwmni iddynt. Fe gafwyd buddugoliaeth er gwaetha'r ffaith i DML anghofio ei eiriau ar y llwyfan a gweiddi "O shit!" o ganlyniad i hynny yn ddigon uchel i bob un oedd yn llefaru glywed. Diolch byth nad oedd clust y beirniad yn ddgion effro na microffonau'r eisteddfod yn ddigon nerthol i gofi popeth! Yr un haf fe fues i yn rhoi papur i un o'r cyfarfodydd a oedd yn rhan o gynhadledd IFLA yn Glasgow a chael cyfle i edrych o gwmpas y ddinas wedyn.
Rhagor o luniau o'r dathlu yn dilyn buddugoliaeth Tyddewi.
Lluniau o Glasgow.
Tagiau Technorati: Ffotograffau | Hel atgofion.
