Bues i yn siop lyfrau Ottakar's ddydd Sadwrn yn edrych o gwmpas y silfoedd ac fe gefais i fy hun yn yr adran Self help a'r hyn am trawodd i ar unwaith oedd cymaint o gyfrolau oedd yn yr adran. Rhaid imi gyfaddef taw dyma'r tro cyntaf imi astudio beth oedd yn yr adran hon yn ofalus. O'r diwedd dwi'n gwybod nad ydyw i ar fy mhen fy hun pan dwi'n teimlo'n ddihyder ac ansicr gan fod cyfrolau di-ri ar y pwnc hwnnw - Weekend confidence coach: how to kick the self-doubt habit in 48 hours
gan Lynda Field, neu You can heal your life gan Louise L. Hay. Mae'n rhaid ei fod yn deimlad cyffredin iawn ac yn un sy'n poeni pobol yn fawr iawn. Mae'n bosib goresgyn y teimladau hyn ac mae'r llyfrau yma yn ceisio dweud wrth bobol sut i wneud hynny. Wrth gwrs, os nad yw hynny'n llwyddo mae 'na adran fawr y drws nesaf ar sut i reibio a witsio - dyna un dull o gael eich ffordd eich hun!Tagiau Technorati: Hyder | Llyfrau | Helpu'ch hun.
