Mae'n anodd credu fod rhywbeth i'r gorllewin o Bwllheli rywsut, mae dyn yn teimlo ei fod wedi teithio cyhyd a chyn belled ag y mae'n bosib mynd i'r gorllewin, er nad ydym mewn gwirionedd llawer mwy i'r gorllewin na lle ges i fy magu yn Sir Benfro. Ond mae'r ffordd yn dal i fynd yn ei blaen a'i dilyn y gwnaethon ni. Roeddem yn mynd i fynd am Aberdaron bellach, ond roedd amser yn ein herbyn oherwydd byddaui angen inni fod yn ôl yn Aberystwyth rhyw ben er mwyn mynd i'r gwaith drannoeth.
Mae'n rhaid taw'r diffyg traffig oedd yn gwneud i'r ffordd deimlo'n hir wrth inni basio trwy Llanbedrog a Mynytho. Yn y canol oesoedd dyma'r ffordd y buasai pererinion o'r de yn dynesu at Aberdaron a'r fordaith fer i Enlli ac mae'n rhaid imi gyfaddef fy mod yn rhyfeddu at eu dycnwch - mae'n dal i fod yn dipyn o daith mewn car. Ymlaen â ni trwy Fotwnnog a Sarn Mellteyrn ac roedden ni'n dal i fynd. Ac yna yn sydyn o'n blaenau roedd Aberdaron yn cydio mor dynn â phosib wrth y graig rhag iddo lithro ryw ychydig a suddo i ganol y môr fel y digwyddodd i Gantre'r Gwaelod. Os oedd yr heolydd yn wag roedd Aberdaron ei hun yn weddol llawn gyda rhyw dri asbo yn hongian o gwmpas y sgwâr yn gwneud drygau. Rhaid oedd gweld Eglwys S. Hywyn - ond roedd y lle fel anialwch gyda gwaith adeiladu yn digwydd o gwmpas y fynedfa. Ond fe aethon ni i dop y rhiw oedd yn mynd heibio eglwys a chael golygfa wych o'r eglwys ei hun ac o'r pentref.
Rhagor o luniau o'r daith o Bwllheli i Aberdaron.
Tagiau Technorati: Pen Llŷn | Teithio.
Rhai sylwadau am fywyd a phethau eraill gan dderwydd o Aberystwyth, Ceredigion.
I'm a Celtic druid from Aberystwyth, Wales and my blog is entirely in Welsh. Thanks for visiting.