Beth mae DML yn ei ddarllen 2006-01-15

Nid oes cymaint o bethau ar y ford yr wythnos hon. A hynny'n bennaf am fod DML yn gweithio'i ffordd yn araf trwy glamp o gyfrol Vikram Seth. Ond er gwybodaeth dyma beth mae DML yn ei ddarllen ac yn ei wrando.

• Vikram Seth, Two lives. (Little Brown, 2005)


• Gregory L. Norris, Ghost kisses: gothic gay romance stories. (Leyland Publications, 1994)


• Rhifyn 2006-01-12 Golwg


• Rhifyn Ionawr 2006 Plu'r gweunydd, papur bro Dyffryn Banwy a'r cyffiniau


• Cyngor Sir Ceredigion, Cynllun datblygu unedol (Fersiwn deposit, 2002)


• Heather Jones, Hwyrnos. (Sain, 2001)

O.N. Arbrawf diddorol
Os oes gennych chi gopi o rifyn 2006-01-12 o'r cylchgrawn Golwg wrth law yna fe allwch chi fod yn rhan o arbrawf diddorol. Ar y clawr yr wythnos hon mae llun o'r actor Bryn Fôn yn chwarae rhan Les yn y gyfres deledu boblogaidd Talcen caled, sydd wedi'i gosod yn Eifionydd. Gyda llun felly ar y clawr buasech yn disgwyl gweld stori fawr y tu fewn am Bryn Fôn, neu'r gyfres, neu rywbeth. Ond dwi'n ofni fy mod i'n methu dod o hyd i ddim heblaw am un cyfeiriad byr mewn gwyddor. Ydych chi'n medru profi Dogfael yn anghywir a dod o hyd i'r stori am Talcen caled yn y rhifyn hwn o Golwg? Atebion ar ffurf sylwadau os gwelwch yn dda.

Tagiau Technorati: Llyfrau | Cerddoriaeth.