Wrth deithio lawr Dyffryn Conwy dyma weld arwydd yn cyfeirio at y Ro Wen. Roedd ein gyrrwyr RO am ddilyn y trywydd hwnnw. Y cyfan a wyddwn am y lle oedd fod yr Arglwydd Wyn Roberts yn byw yno; wrth gyrraedd y pentref a gweld y gofeb i Huw T. Edwards fe sylwodd y tri ohonom fod rheswm llawer agenach dros ystyried ymweliad â'r Ro Wen yn un hanfodol ar gyfer bob Cymro neu Gymraes gwerth eu halen. O alw yn y pentref dyma aros yn ystafeloedd te Pen-y-bont - derbyn gwasanaeth yn Saesneg yno ond gyda lemonêd cartref blasus iawn.
