Amser cinio ddydd Gwener diwethaf fe es i gael cinio gydag AD yng nghanolfan arddio Arthur Newman yng Nghapel Dewi. Mae AD yn un am ei garddio a'i planhigion; dwi'n dod am y cinio. Fel mae'n digwydd heddiw roedd pobol newydd yn rhedeg y lle bwyta - lot llai o ddewis, llawer arafach a gwasaneth ofnadwy. Buon ni'n disgwyl am oesoedd am ein bwyd. Ond pan ddaeth y bwyd roedd yn flasus dros ben - ges i basti cyri cyw iar gyda salad ac fe gafodd AD gîsh gyda salad. Wedyn am dro o gwmpas y ganolfan. Dwi'n mwynhau edrych ar yr holl blanhigion a blodau, ond dwi'n rhyfeddu i weld fod pobol yn prynu brwyn a phorfa a grug bellach - roeddwn i'n cymryd yr holl bethau yma yn ganiatol ym Mynachlog-ddu slawer dydd!Rhagor o luniau o Ganolfan Arddio Arthur Newman, Capel Dewi.
