Un o'r pethau wnes i addo ei wneud fisoedd yn ôl bellach oedd gwneud y cyflwyniad ar gyfer un o nosweithau cyntaf canolfan Morlan, sef Gorwelion. Wrth gwrs pan addewais i wneud hynny doeddwn i ddim yn sylweddoli y byddai'r peth yn digwydd yn union ar ganol adeg etholiad a chyn y ffair lyfrau ac erbyn bod angen paratoi deunydd arall ar gyfer agor Morlan!Ond mae'r noson yna agosau - nos Wener a nos Sadwrn i ddweud y gwir. Mae neuadd Morlan yn dod i drefn a chafwyd addewid pendant y byddai popeth yn barod ar gyfer nos Wener. Mae'r lle'n edrych yn dda iawn yn barod, hyd yn oed cyn i bopeth fod yn ei le, ac fe ddylwn ychwanegu fod popeth yno yn barod i fynd i'w lle!
Felly, nos Wener amdani.
Mae mwy o luniau o'r ymarfer ar gael.
