Dydd Gwener yn y ddinas - gwaith

Dydd Gwener roedd hi'n bryd imi wneud ychydig waith. Roedd yn rhaid ffeindio fy ffordd i Adeilad y Dyniaethau ym Mhrifysgol Caerdydd er mwyn dod o hyd i Ysgol y Gymraeg. Roeddwn i'n mynd yno gyda'r gwaith, ac er fy mod yn ceisio osgoi gwaith mae'n werth sôn ychydig am y fforwm Trydanu'r testun. Cafwyd papurau am bob math o bynciau diddorol.

• Corff electronig o ryddiaith y cyfnod canol
• Corpws Hanesyddol yr Iaith Gymraeg 1500-1850
• Prosiect Dafydd ap Gwilym
• Cronfa Ddata Enwau Lleoedd Melville Richards
• Rhaglen ddigido Llyfrgell Genedlaethol Cymru
• Gwefan Ann Griffiths, Llyfrgell Salisbury, Prifysgol Caerdydd
• Effaith datblygiadau digidol ar Wasg Prifysgol Cymru

Roedd nifer o bobol roeddwn i yn eu hadnabod yno. Aeth popeth yn iawn. Wedyn dyma gerdded 'nôl i ganol y ddinas yng nghwmni MNJ - chael cyfle i edrych o gwmpas y ganolfan ddinesig. Bues i am dipyn yn edrych ar y gofeb a godwyd yn 1909 i goffáu'r Cymry a gollodd eu bywydau adeg rhyfel y Boer, 1899-1902.

Mae mwy o luniau o ddydd Gwener i'w cael.